---

Nuova Societad Helvetica NSH

La Nuova Societad Helvetica (NSH) vul rinforzar las instituziuns democraticas e la solidaritad en il pajais cun tematisar attentamain dumondas actualas e cun contribuir a lur resposta.

• Ella s'engascha per l'efficacitad da las instituziuns democraticas.
• Ella promova la chapientscha vicendaivla da las differentas gruppas socialas.
• Ella promova l'identitad culturala da la Svizra.
• Ella s'engascha per la solidaritad ed in spiert cosmopolitic e sustegna la Confederaziun d'ademplir sias obligaziuns envers l'exteriur che la Constituziun al impona.

La NSH è vegnida fundada il 1914. Ella ha considerà sasezza sco successura da la Societad Helvetica che aveva contribuì dal 1761 fin il 1858 a rinforzar la Confederaziun ed a fundar il stadi federal dal 1848. Ella ha fusiunà il 1. da schaner 2007 cun la Rencontres Suisses (RS) a la societad cuminaivla «Inscunters svizzers – Nova Societad Helvetica». La RS era vegnida fundada il 1945 cun la finamira da rinforzar la coesiun dal pajais durant in temp malruassaivel per l'Europa. Ina finamira principala da la RS era la communicaziun tranter ils partenaris socials. La radunanza da delegadas e delegads ordinaria dal 2018 ha decis da scursanir il num a Nova Societad Helvetica.

---